Велика Британија: Бројот на починати од Ковид-19 достигна речиси 44.000

ЛОНДОН

Во Велика Британија во последните 24 часа починаа 89 лица поради новиот вид коронавирус (Ковид-19), со што вкупниот број на починати во земјата се искачи на 43.995, пренесува Агенција Анадолија (АА).

Оваа информација преку соопштение објавено на Твитер ја потврди британското Министерство за здравство.

Во соопштението се нагласува дека во последните 24 часа починаа уште 89 лица поради овој вирус.

Со ова, вкупниот број на починати во земјата се искачи на 43.995.

Се истакнува дека се откриени уште 576 случаи со Ковид-19, додека вкупниот број на дијагностицирани случаи во земјата изнесува 283.757.