Бројот на заразени со Ковид-19 во светот надмина 52,4 милиони

ЊУЈОРК

Бројот на луѓето заразени со новиот тип на коронавирус во светот надмина 52,4 милиони, јавува Агенција Анадолија (АА).

Интернет страницата „Worldometer“ објавува ажуриран преглед на глобалната епидемиолошка слика од почетокот на пандемијата на Ковид-19, а според најновите податоци, бројот на случаи на заразување во светот се зголеми на 52.441.490.

До сега во светот од последиците на вирусот починаа 1.289.753, додека оздравеа 36.677.509 лица.

Пандемијата на Ковид-19 најтешко ги погоди САД, каде се заразени над 10,7 милиони лица.

Според бројот на заразените, по САД следуваат Индија (8.684.039), Бразил (5.749.007), Франција (1.865.538), Русија (1.836.960), Шпанија (1.463.093), Аргентина (1.273.356), Велика Британија (1.256.725), Колумбија (1.165.326) и Италија (1.028.424).