„Новата верзија на Омикрон се шири брзо во делови на Азија и Европа“

ИЗМИР (АА)

Нова верзија на сојот Омикрон на коронавирусот откриена во делови на Азија и Европа се шири многу побрзо од оригиналната верзија, предупреди член на Научниот советодавен одбор за коронавирусот на Турција, јавува Агенција Анадолија (АА).

„Субваријантата BA.2 може да предизвика многу побрзо зголемување во бројот на инфекции бидејќи нејзината стапка на преносливост е повисока од верзијата BA.1“, изјави доктор Алпер Шенер во интервју со АА.

Тој рече дека има докази дека BA.2 добива на сила во земјите како што се Индија и Данска во последните недели.

„BA.2 станува новиот доминантен сој во многу земји. Веќе ја надмина BA.1 во Данска во изминатите 10 дена“, рече Шенер.

„Сепак, новата омикрон-варијанта сѐ уште не е откриена во Турција“, додаде тој.

Светската здравствена организација неодамна на веб-страницата напиша дека „BA.2 подваријанта, која се разликува од BA.1 во некои од мутациите, вклучително и во шилестиот протеин, и се шири во многу земји“.

„Истражувањата за карактеристиките на BA.2, вклучително и својствата за избегнување на имунитетот и вирулентноста, треба да бидат приоритетни одделно [но и споредбено] со BA.1”, соопшти Светската здравствена организација.

„Истражувањата за карактеристиките на BA.2, вклучително и својствата на имунолошко бегство и вирулентноста, треба да бидат независно приоритетни [и споредбени] на BA.1”, изјави глобалната здравствена агенција.

Шенер објасни дека BA.2 може да се открие со ПЦР-тестови и „не предизвикува зголемување на стапката на хоспитализацијата и смртност, засега“.

Сепак, тој истакна дека BA.2 би можела да биде поотпорна на постоечките вакцини, додавајќи дека разбирањето на нејзините карактеристики ќе помогне „во забрзувањето на тековните научни напори за ажурирање на вакцините против Ковид-19“.