Токио доби кафуле каде освен кафето се плаќа и дружење со ежви

ТОКИО (АА) - Жителите на јапонскиот главен град Токио, ќе имаат можност да посетуваат кафуле во кое ќе може да се дружат со различни видови на ежови.

По кучињата и мачките, љубителите на животни во Токио ќе имаат можност да нарачаат кафе и да се дружат со овие популарни бодликави цицачи.

За половина час дружење со ежови, жителите и туристите на јапонскиот главен град плаќаат околу осум евра. За време на викендите цената за престојот во кафулето "Harry" е 10 евра, додека пак фотографирањето со нив и давањето на храна, чини четири евра, јавува Anadolu Agency (AA).

Посетителите на "Harry" кои сакаат да поминат извесно време со ежовите, пред сè мора да ги дезинфицираат рацете, а потоа да изберат едно од животните со кои имаат можност да си играат.

Идејата, според вработените, е да се промени сликата за ежовите и да им се покаже на љубителите на животните дека ежовите се нежни и безопасни.