ИСТАНБУЛ (АА) – На Светскиот халал-самит денес беше потпишан меморандум за разбирање меѓу Турската агенција за халал-акредитација (HAK) и Саудиската управа за храна и лекови (SFDA), со цел унапредување на соработката во областа на халал-производите, јавува Анадолу.

Светскиот халал-самит и Халал-експо започнаа истовремено во Истанбул, обединувајќи учесници од секторот под главната тема „Зајакнување на халал-индустријата преку иновации и извонредност“.

Единаесеттото издание на самитот и саемот, кој се одржува од 26 до 29 ноември, е организирано под покровителство на турското Претседателство во партнерство со Организацијата за исламска соработка (ОИС), турското Министерство за трговија, Агенцијата за халал-акредитација и други институции.

Договорот опфаќа теми како што се споделување искуства со халал-производи, поттикнување на меѓусебни посети и состаноци, организирање програми, обуки, семинари и работилници, како и споделување информации за учество на меѓународни конференции, форуми и настани.