Германското индустриско производство во јули се намали трет месец по ред

БЕРЛИН (АА) - Германското индустриско производство доживеа пад во јули, трет месец по ред, јавува Анадолу.

Германското индустриско производство падна за 0,8 отсто во однос на еден месец претходно, покажаа официјалните податоци објавени денес.

Како што објави Заводот за статистика Дестатис, производството на капитални производи во јули паднало за 2,9 отсто на месечно ниво, на производи за широка потрошувачка за 1 отсто, а на интермедијарни производи за 0,7 отсто.

Производството на енергија и градежни производи во истиот период се зголеми за 2,2 отсто, односно 2,6 отсто.

На годишно ниво германското индустриско производство забележа пад од 2,1 отсто во јули.

Индустриското производство е збир на процеси преку кои се трансформираат суровините. На овој начин се добиваат производи со поголема додадена вредност.