Ahmet Nurduhan
28 Декември 2021•Ажурирај: 29 Декември 2021
САРАЕВО
Членот на Претседателството на Босна и Херцеговина (БиХ), Шефик Џаферовиќ, изјави дека Турција придонесува за економскиот развој и стабилноста во регионот благодарение на лидерството на претседателот Реџеп Таип Ердоган, јавува Агенција Анадолија (АА).
Џаферовиќ даде изјава за дописникот на АА за неговата средба со министерот за национална одбрана на Турција, Хулуси Акар, кој оствари посета на Босна и Херцеговина.
Џаферовиќ нагласи дека при посетата на Акар уште еднаш е потврдено дека Турција е вистински пријател на Босна и Херцеговина и дека многу внимателно ги следи случувањата во земјата.
Тој рече дека благодарение на лидерството на претседателот Реџеп Таип Ердоган, Турција придонесува за економскиот развој и стабилноста во регионот.
„Турција е вистински пријател на Босна и Херцеговина. Таа многу внимателно ги следи настаните во Босна и Херцеговина. Тоа уште еднаш го потврдивме на нашата средба со министерот Акар“, истакна Џаферовиќ.
Според него, Турција го поддржува 26-годишниот Дејтонски договор.
„Република Турција ги поддржува суверенитетот, територијалниот интегритет и државните институции на Босна и Херцеговина без компромиси. Како членка на Советот за спроведување на мирот, Турција, исто така, го поддржува патот на Босна и Херцеговина кон ЕУ и НАТО“, рече тој.
Џаферовиќ посочи дека потпишаната воена финансиска соработка меѓу Турција и Босна и Херцеговина е многу важна за Вооружените сили на Босна и Херцеговина, и рече дека благодарение на пристапот на претседателот Ердоган, сите во Босна и Херцеговина имаат целосна доверба во Турција.
„Односот на Турција кон ‘соработката и заедничките интереси‘ во Босна и Херцеговина се заснова на мирниот соживот на сите народи во земјата“, додаде Џаферовиќ.
