Чавушоглу: „На 25-годишнина од геноцидот во Сребреница стоиме до нашите бошњачки браќа“

АНКАРА

Министерот за надворешни работи на Турција Мевлут Чавушоглу на својот Твитер профил објави порака по повод 25. годишнина од геноцидот во Сребреница во Босна и Херцеговина, пренесува Агенција Анадолија (АА).

Чавушоглу нагласи дека на 25. годишнина од овој геноцид стојат до нивните бошњачки браќа.

„На 25. годишнина од геноцидот, стоиме до нашите бошњачки браќа. Сребреница е место каде честа на човештвото се здоби со тешка рана, а историјата се здоби со црна дамка“, напиша шефот на турската дипломатија.

- 25. годишнина од геноцидот -

На 25. годишнина од геноцидот во Сребреница во гробиштата на Меморијалниот центар погребани се девет жртви.

Салко Ибишевиќ е најмладата жртва која оваа година е погребана во гробиштата на Меморијалниот центар. Имал само 23 години кога е убиен. Неговите посмртни останки се пронајдени во секундарната масовна гробница Липље, во општина Зворник во 2001 година.

Највозрасната жртва која е погребана е Хасан Пезиќ од местото Пустоше кај Власеница. Тој имал 70 години кога е убиен, а исчезнал во 1995 година, на подрачјето на Козлук. Неговото тело е ексхумирано од масовна гробница во Козлук 1999 година.

Во Меморијалниот центар „Поточари“ оваа година погребани се: Сеад (Хусо) Хасановиќ, роден во 1971 година во Кривача; Алија (Бекто) Суљиќ, роден во 1969 година во Познановиќи; Хасан (Алија) Пезиќ, роден во 1925 година во местото Пустоше; Хасиб (Шабан) Хасановиќ, роден во 1970 година во Слатина; Зухдија (Суљо) Авдагиќ, роден во 1947 година во Нова Касаба; Бајро (Рамо) Салиховиќ роден во 1943 година во Волјавица; Ибрахим (Хамид) Зукановиќ, роден во 1941 година; Салко (Ахмо) Ибишевиќ, роден во 1972 година во Љубовија и Кемал (Хусеин) Мусиќ, роден во 1968 година во Глогово.