Србија: Уште 102 лица заразени со Ковид-19

БЕЛГРАД

Во Србија се потврдени 102 нови случаи на заразување со коронавирусот (Ковид-19), во последните 24 часа тестирани се 5.264 лица, а четири лица починаа, јавува Агенција Анадолија (АА).

Директорот на Инфективната клиника Горан Стевановиќ рече дека моментално се хоспитализирани 2.116 лица а дека 54 се на респиратор.

Од почетокот на епидемијата во Србија се заразени 9464 лица, тестирани се 101.911 луѓе, а 193 лица починаа.

Излекувани се 1.551 лице.

Стапкнат на смртност е 2,04 отсто.

Во установите на социјална заштита заразени се 438 корисници и 115 вработени, а заразени се 450 лекари.