Снимките од надзорните камери ја откриваат јачината на земјотресите што ги потресоа јужните делови на Туркије

ХАТАЈ (АА) - Снимките од надзорните камери го покажуваат моментот од земјотресот што ги потресе јужните делови на Република Туркије, известува Анадолу.

Снимките се од Хатај и направени се во моментите на земјотресот со интензитет од 7,7 степени со епицентар во Кахраманмараш (6 февруари) и 6,4 степени со епицентар во Хатај (20 февруари).

На снимките се забележани моментите од земјотресите на паркинг-местото на автобуска компанија во Антакија, при што може јасно да се забележи интензитетот на потресот.

Тука е и снимката од бензинска пумпа во Белен, на која се забележува како работниците истрчуваат надвор во моментите на земјотресот.

И надзорните камери од продавниците во Искендерун ги забележаа моментите на земјотресот, при што може да се види како продуктите паѓаат од полиците.