Словенија со поддршка за Северна Македонија во модернизирање и реформа на администрацијата

СКОПЈЕ (АА) - Министерот за јавна администрација на Северна Македонија, Горан Минчев, и неговиот словенечки колега, Франк Пропс, денес во Скопје потпишаа меморандум за разбирање и соработка во реформата на јавната администрација на Северна Македонија, известува Анадолу.

Министрите Минчев и Пропс се согласиле дека меморандумот претставува важна пресвртница во билатералните односи на двете земји и ја покажува нивната посветеност за зајакнување на соработката.

Министерот Минчев истакна дека меморандумот претставува важен чекор кон модернизација на јавната администрација на Северна Македонија, која има за цел да обезбеди поефикасни и поквалитетни услуги на граѓаните.

Министерот Пропс рече дека соработката меѓу двете министерства ќе биде насочена кон подобрување на ефикасноста на јавните услуги, модернизирање на административните процеси, зајакнување на дигитализацијата и обука на персоналот.