Fatjon Cuka
26 Април 2021•Ажурирај: 26 Април 2021
ТИРАНА
Премиерот на Албанија и лидерот на Социјалистичката партија Еди Рама,како и лидерот на опозицијата, претседателот на Демократската партија на Албанија (ПД) Љуљзим Баша реагираа по завршувањето на процесот на гласањето на парламентарните избори, јавува Агенција Анадолија (АА).
Рама во изјава за медиумите нагласи дека народот го рече своето и дека треба да го послушаат.
„Наша должност, должност на секој пребројувач, секој набљудувач, во секој центар за броење е да придонесеме со најголема граѓанска, но и законска одговорност правилно да ги преброиме гласовите кои се наоѓаа во кутија", рече Рама.
Рама рече дека утре сонцето повторно ќе излезе и Албанија ќе се насмевне.
„Ние не сакаме просто резултат и потврда како владејачка сила повторно, туку сакаме да, како што овој ден е убав, така мирен, граѓански, благодарејќи на демократската ефективност на сите, продолжувањето на овој процес да биде такво. Од овој процес би требало да победи Албанија, а не само партијата која ќе продолжи да управува со државата", нагласи Рама.
Владејачката Социјалистичка партија бара трет мандат, додека кандидатот за премиер е актуелниот премиер Еди Рама.
„Ова е јасна победа на албанскиот народ, тоа е јасна победа на сојузот за промени. Имам полно уверување дека бројачите и комесарите ќе го заклучат овој процес одговорно, трпеливо и во согласност со законот. На крајот на овој процес Албанија победува", нагласи Баша.
Во меѓувреме, по завршувањето на предавањето на гласачките кутии во центрите за броење, се очекува да започне броењето на гласовите.
На изборите учествуваа 1.841 кандидат за 140 пратеници на албанското Собрание, а се натпреваруваа 12 политички партии, две коалиции и 10 партии и неколку независни кандидати во 12 изборни единици кои се соодветни на окрузите во земјата.
