Претседателот на Собранието на Северна Македонија, Гаши, оствари средба со својот хрватски колега Јандроковиќ

СКОПЈЕ (АА) - Претседателот на Собранието на Република Северна Македонија, Африм Гаши, оствари средба со претседателот на Саборот на Република Хрватска, Гордан Јандроковиќ, кој престојува во дводневна официјална посета на земјава, јавува Анадолу.

Гаши го пречека Јандроковиќ со церемонија со високи државни и воени почести, а потоа преминаа на кратка тет-а-тет и средба меѓу делегациите.

По средбите Гаши и Јандроковиќ одржаа заедничка прес-конференција.

Во својот говор Гаши рече дека фокусот на нивната средба бил зајакнувањето на меѓупарламентарната соработка.

„Хрватска беше и останува силен и континуиран поддржувач на европската перспектива на нашата држава“, рече Гаши.

Тој додаде дека оваа средба била и одлична можност да се потврди дека меѓусебното сојузништво е уште посилно преку соработката во рамките на НАТО, каде што двете земји активно учествуваат во мировните и безбедносните мисии.

„Поддршката на Хрватска за Северна Македонија како во процесот на интеграција во ЕУ, така и во секоја друга област, е од непроценлива вредност и од клучно знаење за нас“, рече Гаши.

Од своја страна, претседателот на Саборот на Република Хрватска, Гордан Јандроковиќ, истакна дека Хрватска ќе продолжи да ја поддржува Северна Македонија во својата истрајност на евроинтегративниот пат и во решавањето на препреките.

„Добро е да се оствари сојузништво во рамките на НАТО и на ЕУ“, нагласи Јандроковиќ.

Тој истакна дека политичките односи меѓу двете земји се извонредни, исто како и економската соработка бидејќи, како што рече, стоковата размена меѓу двете земји постојано расте.

Претседателот на хрватскиот Сабор по прес-конференцијата се обрати и пред пратениците во Собранието.