Претседателот на Партијата за движење на Турците со честитки по повод 100-годишнината на АА

СКОПЈЕ (АА) – Претседателот на Партијата за движење на Турците (ТХП), Енес Ибрахим, кој воедно беше и пратеник во минатиот состав на Собранието на Република Северна Македонија, на сите вработени во Агенцијата Анадолија (АА), на чело со раководството, им ја честита 100-годишнината од основањето, пренесува Агенција Анадолија (АА).

Претседателот Енес Ибрахим, на својот профил на социјалните медиуми упати честитка по повод 100-годишнината од основањето на Агенција Анадолија (АА).

„100-годишнината од основањето на Агенцијата Анадолија им ја честитам на сите вработени, особено на раководството на АА, и на сите ценети вработени им посакувам континуиран успех“, нагласи Ибрахим.

Тој во пораката потсети дека Агенцијата Анадолија е основана со инструкциите на Мустафа Кемал Ататурк, од страна на Халиде Едип Адивар и Јунус Нади, со цел да се даваат одлуките и информациите за Борбата за независност кон пошироките кругови.

Ибрахим, исто така, истакна дека верува во тоа дека Агенцијата Анадолија ќе продолжи да ги пренесува информациите до граѓаните, без да ги загрози нејзините принципи и цели, исто како што го правеше тоа за време на Борбата за независност.