Повеќе од 470.000 декари површина се пријавени како изгорени во шумските пожари што ја зафатија Грција од почетокот на годината, известува Анадолу.

Според податоците што ги објави Националната опсерваторија во Атина, 2025 година е петта година во која изгорело најмногу земјиште во последните 20 години.

Големите шумски пожари што ги зафатија регионите на Коринт, Кератеа, Пелопонез и островите Хиос, Закинтос и Китира, во пепел претворија површина од приближно 260.000 декари, а над 470.000 декари изгореа низ цела Грција.

На Хиос, каде што во првиот пожар ова лето изгореа 47.000 декари, а во вториот повеќе од 66.000 декари, изгореа приближно 15% од вкупната површина на островот.