Мостар: Скок без аплауз во спомен на жртвите од геноцидот во Сребреница

МОСТАР (АА) - Традиционално, Мостар и мостарчани ја одбележаа годишнината од геноцидот во Сребреница скокајќи од Стариот мост без аплауз. Тоа е традиција која нема да биде прекината сè додека постои Клубот на скокачи „Мостари“, кој беше организатор на денешната кратка програма, јавува Агенција Анадолија (АА).

„Тажно е, како и секоја година, споменот на сите жртви. Се надевам дека Сребреница никогаш нема да биде заборавена. Гледав многу луѓе од Мостар се денес во Сребреница. Се надевам дека во наредните години колку што е можно повеќе луѓе ќе дојдат во Сребреница и дека сите во оваа земја ќе го признаат геноцидот“, рече скокачот Игор Казиќ, кој изведе скок во чест на жртвите.

Претседателот на клубот, Лоренс Листо, е горд на придонесот на скокачкиот клуб „Мостари“ во одбележувањето на годишнината од геноцидот во Сребреница.

„Како и секоја година организираме скок без аплауз. Тоа ќе го правиме додека го има нашиот клуб. Луѓето, за жал, не го признаваат геноцидот. Сè додека е така, нема и не можеме да одиме напред. Нема да биде подобро без признание во оваа земја. Ситуацијата ќе биде иста како денеска“, изјави Листо.

Мостарчани почнаа да скокаат од Стариот мост во знак на почит кон жртвите веднаш по геноцидот во Сребреница во 1995 година.