Земјотрес во близина на Теслиќ во БиХ

САРАЕВО (АА) - Земјотрес со јачина од 4,5 степени според Рихтеровата скала е регистриран денеска во Босна и Херцеговина, на оддалеченост од 20 километри од местото Теслиќ и 40 километри од Зеница, известува Анадолу.

Европскиот медитерански сеизмолошки центар (ЕМСЦ) на својата веб-страницата објави дека земјотресот се случил во 14.23 часот по локално време.

Земјотресот го почувствувале и граѓани на Бања Лука, а според изјавите на службата ЕМСЦ, граѓаните пријавиле дека благо тресење на земјата е почувствувано и во Сараево.

Во моментов нема информации за причинета материјална штета.