Здружението „Дениз Фенери“ организираше ифтар за сираците во Скопје

СКОПЈЕ (АА) – Здружение „Дениз Фенери“ во соработка со Синдикатот на сојузот на педагози (ЕГИТИМ-БИР-СЕН) од Турција и здружението Енсар од Скопје организираше ифтар за сираците во СКопје по повод 15 Рамазан - Светскиот Ден на сираците, јавува Anadolu Agency (AA)

Здружението Дениз Фенери, ЕГИТИМ-БИР-СЕН и Здружението Енсар по повод Светскиот ден на сираците организираат ифтари за сираци во различни градови во Македонија, а доделија и пакети со прехранбени производи за сираците.

Дениз Фенери вчера организираше ифтар во Куманово за околу 150 сираци и нивните семејства, а вечерва на ифтарот во Скопје учествуваа голем број сираци и нивните семејства.

На овој ифтар, покрај сираците и нивните семејства, учествуваа и градоначалникот на општина Чаир, Изет Меџити, претседателот на здружението Енсар Сулејман Баки, претставник на ЕГИТИМ-БИР-СЕН, Ерол Ермиш, турските здруженија и институции во земјата, и голем број поканети гости.

Ерол Ермиш, кој зборуваше во име на Дениз Фенери, истакна дека организираат ифтари не само во Македонија, туку и во пвеќе земји во светот.

Ермиш пренесе дека организираат ифтари во Скопје, Куманово и Штип. „Се надеваме дека нашата врска со Македонија нема да биде ограничена само со овој Рамазан, ќе продолжиме и со курбани. Ќе продолжиме да бидеме заедно и во понатамошен процес. Ние сме посилни со вашите молитви“ , рече Ермиш.

Исто така, Ермиш ги заблагодари здружението Енсар со кого заеднички го организирае овој настан.

Од друга страна, Сулејман Баки информираше дека Организација на исламска соработка во 2013 година 15. ден на Рамазан го прогласи за Светскиот ден за сираците во Исламскиот свет.

Баки нагласи дека по овој повод од 2015 година организираат ифтари.

Меѓу другото, Баки ги забрагодари хуманитените организации Ел Хилал, и „Kalliri i Mirësisë" (Класје на добрината) за нивната кооперација во евиденција на сираците како и нивната организација.

Градоначалникот Меџити упати благодарност до сите кои придонеле за организирање на овој ифтар, и истакна дека посакува и во иднина да бидат заедно корисни проекти.

После ифтарот беа доделени пакети со прехранбени производи за 150 сираци.