Главниот град на Албанија украсен со турски и албански знамиња во пресрет на посетата на турскиот претседател Ердоган

ТИРАНА (АА) - Во пресрет на посетата на турскиот претседател Реџеп Таип Ердоган, главниот град на Албанија е украсен со албански и турски знамиња, јавува Анадолу.

Претседателот Ердоган денес ќе престојува во посета на Албанија каде ќе се сретне со високи претставници на земјата, а ќе ја отвори и џамијата Намазѓа, изградена со финансиски придонес на Туркије.

По повод посетата на претседателот Ердоган на плоштадите и булеварите во Тирана, како и во новоизградената џамија, е поставено и турското знаме покрај албанското.

Ердоган ќе се сретне со претседателот на Албанија, Бајрам Бегај, како и со премиерот Еди Рама.

По средбите со официјалните претставници свечено ќе биде отворена џамијата Намазѓа, во што ќе учествуваат претседателот Ердоган, премиерот Рама и други претставници.

Џамијата Намазѓа е изградена со финансиски придонес на Дирекцијата за верски прашања на Туркије и Фондацијата за верски прашања на Туркије (ТДВ).