БиХ: Поголем дел од евакуираното население од загрозените подрачја се врати во домовите

САРАЕВО (АА) - Поголем дел од населението што е евакуирано од загрозените подрачја од поплавите се врати во своите домови, соопшти Федералната управа за цивилна заштита (ФУЦЗ), јавува Анадолу.

Врз основа на информациите собрани од Оперативниот центар Јабланица и Оперативниот центар Коњиц, екипите сѐ уште се на терен, секојдневно работат на пронаоѓање на исчезнати и чистење на теренот.

„Некои патни правци во Бутуровиќ Поље се донекаде оспособени, како што е воспоставувањето електрична енергија, а во некои села сè уште нема струја“, велат тие.

Патот М-17 сѐ уште е затворен за сообраќај, освен за возила што имаат дозвола за минување.

„Поголем дел од населението што беше евакуирано се врати во своите домови“, додаде ФУЦЗ.