СКОПЈЕ (AA) – Вечерва во Скопје се одржа концертот „Светското Македонско братство“, пренесува Анадолу.

Во рамките на социјалниот проект „Твојот живот“, со поддршка на Халкбанка Скопје, концертот се одржа во Филхармонијата во Скопје.

На настанот присуствуваа амбасадорот на Турција во Северна Македонија, Фатих Улусој, министерот за локална самоуправа на Северна Македонија, Златко Перински, генералниот директор на Халкбанка Скопје, Фатих Шахбаз, раководителот на проектот „Твојот живот“, Синан Ибиш, претставници на турските институции и организации во земјата, и многу други гости.

Во своето обраќање амбасадорот Улусој истакна дека музиката, како мост меѓу културите, ги зближува општествата.

„Општествата подобро се разбираат едни со други преку песни и народни мелодии“, рече тој.

Турскиот амбасадор нагласи дека Турција и Северна Македонија споделуваат заеднички историски, културни и човечки врски, како и блискост во музичкото восприемање.

Додаде дека обединувачката сила на музиката се очекува дополнително да ги зајакне врските меѓу народите на двете земји и ѝ се заблагодари на Халкбанка за поддршката на настанот.

Шахбаз, од своја страна, истакна дека проектот служи како важен мост кој ги зајакнува културните врски и придонесува за приближување на општествата на двете земји.

„Како банка, горди сме што сме дел од оваа вредна иницијатива. Поддршката на проекти кои водат кон општествени промени ја гледаме како наша одговорност“, рече тој.

Ибиш во своето обраќање истакна дека „денес не ви донесовме само мајстори и ноти на музика од Турција, туку ја донесовме и топлата енергија на мостот на братството што се протега од Турција кон Северна Македонија“.