Во невремето што ја зафати Албанија загинаа две лица

ТИРАНА (АА) - Албанија вчера ја зафати невреме, проследено со силен дожд, што предизвика поплави и проблеми во снабдувањето со електрична енергија во некои делови од земјата, пренесува Агенција Анадолија (АА).

Обилните врнежи зафатија повеќе региони во земјата, додека најкритична е состојбата во скадарскиот крај, каде што како резултат на поплавите животот го загубија две лица.

По извршените операции, пронајдени се мртвите тела на таткото и синот.

Според соопштението на локалната полициска управа во Скадар, мртвите тела се пронајдени по 16 часа интензивни операции извршени во текот на вчерашниот ден попладне, во текот на ноќта и утрово.

Албанија беше зафатена од невреме, со обилни дождови и силен ветер, што продолжи и во ноќните часови.

Поплавени се повеќе населени места, земјоделски површини и патишта во Скадар.

Припадниците на Вооружените сили на Албанија и други институции, како и граѓаните се ангажирани за да му помогнат на погоденото население.