Во Косово 159 новозаразени со коронавирусот

ПРИШТИНА

Во последните 24 часа на Косово се тестирани 1.245 сомнителни примероци на коронавирусот, од кои 159 биле позитивни, пренесува Агенција Анадолија (АА).

Националниот институт за јавно здравје на Косово соопшти дека нема починати од последици на заразувањето со Ковид-19, така што бројката на смртни случаи во оваа земја од почетокот на пандемијата останува на 657.

Од февруари оваа година досега во Косово се тестирани 83.923 лица, од кои 17.422 биле позитивни на коронавирусот. Во последните 24 часа оздравеле уште 58 пациенти, зголемувајќи го вкупниот број на оздравени лица на 14.894.

Во моментов во Косово има 1.871 активен случај на заразување со Ковид-19.