Admir Fazlagic
29 Мај 2020•Ажурирај: 30 Мај 2020
СКОПЈЕ
Два авиона на американското воено воздухопловство придружувани од четири авиони на грчката воена авијација денеска извршија прелет над територијата на Република Северна Македонија, во чест на членството на оваа земја во НАТО Алијансата, јавува Агенција Анадолија (АА).
Mинистерката за одбрана на Северна Македонија, Радмила Шекеринска, откако американски воени авиони со прелет над Скопје „Добре дојдовте во НАТО“ го поздравија членството на Република Северна Македонија во Алијансата, изјави дека „денеска и на македонското небо можевме да видиме дека е точна тезата „Ние сме НАТО“, Република Северна Македонија стана 30. членка на НАТО по 30-годишни напори.
„За жал, немавме можност во сред пандемијата со коронавирусот да го прославиме нашето членство, меѓутоа, денешниот настан, заедничата координирана акција на нашата Армија заедно со НАТО-командите и со воздухопловните сили на САД, покажува дека интеграцијата не е само политичка, туку реална, воена и одбранбена“, рече Шекеринска.
Полковник Валентин Ивановски изјави дека ова што го видовме денеска е сложена воздухопловна операција на воздухопловните сили на НАТО Алијансата со учество на два воздухоплови на САД и четири авиони Ф-16 од грчкото воено воздухопловство.
„Летот е комплетно организиран од командата на силите за Европа и воден преку воздухопловните оперативни центри, каде што е вклучен и нашиот нов воздухопловен оперативен центар и каде што сите летови и координација се извршени преку системот за контрола на воздушниот систем“, изјави полковник Валентин Ивановски.
Американските авиони полетаа вчера од сојузната држава Јужна Дакота и имаа 30-часовен непрекинат лет со полнење гориво во воздух.
Американската амбасадорка во Скопје, Кејт Мари Брнз, истакна дека денешниот прелет е израз на трајната поддршка на САД за Северна Македонија, како и гест преку којшто ѝ посакуваат добредојде на земјата како 30. членка на НАТО.
„Со право и точно е дека во изминатите неколку недели нашиот најголем фокус беше на заедничката борба против Ковид 19, но не требна да дозволиме тоа да ги замагли историските достигнувања на земјата – влезот во НАТО и добивањето зелено светло за отпочнување на пристапните преговори со ЕУ. Ова беа аспирации на нашите две земји повеќе од две децении“, рече амбасадорката Брнз.
Заинтересираните граѓани имаа можност да го набљудуваат прелетот на американските авиони и авионите придружници од грчката воена авијација над Скопје.
Потсетуваме, на 27 март генералниот секретар на НАТО, Јенс Столтенберг, истакна дека Северна Македонија стана 30. членка на НАТО по завршување на сите официјални процеси.
