Балкан, Коронавирус
Албанија: Бројот на случаи со коронавирус се зголеми на 197 лица
„Досега се тестирани 1.325 сомнителни случаи, од кои вкупно 197 се позитивни на Ковид-19, меѓу кои 10 починати и 33 излекувани лица“, се вели во соопштението
Fatjon Cuka |
28.03.2020 - Обновена : 29.03.2020
ТИРАНА (АА) - Во Албанија се откриени уште 11 нови случаи на новиот вид коронавирус (Ковид-19), со што вкупната бројка на откриени случаи во земјата се искачи на 197 лица, пренесува Агенција Анадолија (АА).
Оваа информација преку соопштение ја потврди Министерството за здравство и социјална заштита на Албанија.
Се нагласува дека во последните 24 часа биле тестирани 79 сомнителни случаи, од кои потврдени се 11 нови случаи со Ковид-19.
„Досега се тестирани 1.325 сомнителни случаи, од кои вкупно 197 се позитивни на Ковид-19, меѓу кои 10 починати и 33 излекувани лица“, се наведува во соопштението.
