Балкан

„Таксите мора да бидат укинати, а српската страна да ја прекине кампањата за повлекување на признавањето на Косово“

„Доаѓаме да ве поврземе, немам никаква агенда ниту идеја. Нема да ве притискам, сакам да ве поврзам вашите економии да растат, да се создадат повеќе шанси за младите луѓе да останат тука и да имаат надеж“, рече специјалниот претставник на Трамп

Bojana Stojanovıc  | 24.01.2020 - Обновена : 26.01.2020
„Таксите мора да бидат укинати, а српската страна да ја прекине кампањата за повлекување на признавањето на Косово“ Фото: Milos Miskov/AA

БЕЛГРАД (AA) - Специјалниот претставник на претседателот на Соединетите Американски Држави (САД) за дијалогот помеѓу Белград и Приштина, Ричард Гренел, во Белград изјави дека таксите на стоките од Србија кои ги воведе Приштина мора да бидат укинати, додека српската страна мора да прекине со кампањата за повлекување за признавањето на Косово, јавува Агенција Анадолија (АА).

На заедничката конференција за новинарите со српскиот претседател Александар Вучиќ, Гренел наведе дека тоа им го рекол и вчера во Приштина на сите состаноци.

„Истото барање го пренесувам и тука, а тоа е она што се однесува на кампањата за повлекување, која мора да запре“, рече Гренел во Претседателството на Србија.

Како што рече, тој нема ниту агенда, ниту план, туку е тука да ги поттикне двете страни.

„Доаѓаме да ве поврземе, немам никаква агенда ниту идеја. Нема да ве притискам, сакам да ве поврзам вашите економии да растат, да се создадат повеќе шанси за младите луѓе да останат тука и да имаат надеж. Се обидувам да се насочам на создавање динамика во стопанството, а политиката сакам да ви ја оставам вам“, рече Гренел.

Гренел најави дека в понеделник во Берлин ќе биде одржан состанок на експерти од двете страни за воспоставување железничка линија помеѓу Белград и Приштина, а му се заблагодари на Вучиќ и за чекорот кон воспоставување на авиолинијата Белград - Приштина.

Претседателот на Србија, Александар Вучиќ, наведе дека не прифаќа знак на еднаквост во повлекувањето на таксите и повлекувањето на признавањето на Косово, потсетувајќи дека Белград ѝ нудел на Приштина пауза во барањата за прием во различни меѓународни организации, додека Србија би направила пауза во кампањата „од признавањето на независноста“, но дека тоа е одбиено.

„Не е спорно да се најде компромисно решение и за тоа разговараме со Гренел“, рече Вучиќ.

Тој рече и дека Србија во една година загубила 435 милиони евра поради таксите.

Вучиќ најави дека Белград е подготвен да работи на воспоставување на железничката линија помеѓу Белград и Приштина.

„Само реков дека е важно таксите да бидат остранети, бидејќи возот во тој случај би одел без стока, на луѓето ќе им се гледа што носат во кесите“, рече Вучиќ.

Тој во врска со прашањето за авиолинијата Белград - Приштина рече дека претстојат три-четири чекори, како што е договорот на Директоратот за цивилно воздухопловство со КФОР, донесување на лекс специјалис во Парламентот и договор со групацијата „Луфтханза“.

„Важно ни е да тргуваме, да работие со Албанците поради Србите во Косово“, рече Вучиќ.

Тој му се заблагодари на претседателот на САД, Доналд Трамп, што на Србија ѝ посветил големо внимание и повтори дека Трамп има отворена покана да ја посети Србија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın