ЊУЈОРК 

Американскиот центар за контрола и превенција на болести (CDC) соопшти дека ризикот од смрт и хоспитализација од варијантата Омикрон на Ковид-19 е „релативно низок“ во споредба со Делта, пренесува Агенција Анадолија (АА).

Директорката на ЦДЦ, Рошел Валенски, во изјавата за медиумите во Белата куќа рече дека иако варијантата Омикрон на Ковид-19 брзо се шири во последните недели, стапките на хоспитализација и смртност остануваат „релативно ниски“ во споредба со варијантата Делта.

Осврнувајќи се на просекот на заболени од последните седум дена, Валенски рече дека бројот на позитивни случаи е зголемен за 60 отсто во однос на минатата недела или на приближно 240.000 случаи дневно, а хоспитализацијата е зголемена за 14 отсто, поточно на 9.000 случаи дневно.

Директорката на ЦДЦ додаде дека стапката на смртност, од друга страна, се намалила за 7 проценти и изнесува околу 1.100 случаи дневно.

Директорот на Американскиот институт за алергија и заразни болести, д-р Ентони Фаучи, исто така, истакнувајќи дека ризикот од смрт и хоспитализација од варијантата Омикрон се помали во споредба со варијантата Делта, рече дека вакцините против Ковид-19 ќе бидат одлучувачки во борбата против епидемијата.

Осврнувајќи се на потребата од втора засилувачка - бустер доза за потсетување на вакцината против Ковид-19, Фаучи додаде дека нема доволно податоци за тоа колкава заштита обезбедуваат сегашните бустер вакцини.

Валенски и Фаучи, исто така, предупредија дека реалните податоци за смртните случаи и хоспитализацијата може да бидат достапни со две недели задоцнување.