СКОПЈЕ (АА) - Во квартот Кабун, во сириската престолнина Дамаск, и денес се видливи трагите од бомбардирањата на соборениот режим на Башар ал-Асад, јавува Анадолу

Разурнати згради, урнатини и празни улици сведочат за годините на жестоки напади што го оставија овој дел од градот со длабоки лузни.

Кабун е меѓу најпогодените населби што најјасно ја покажуваат тежината на долгогодишните уништувања од војната.

Покрај материјалната штета, голем предизвик за враќање на цивилите претставуваат и неексплодираните боеви средства и мини што сè уште не се отстранети, што го прави овој дел од градот небезбеден за живеење.