СКОПЈЕ (АА) – Полицијата во Њујорк привремено ги блокираше улиците поради движењето на колоната автомобили на американскиот претседател Доналд Трамп, со што ненамерно беше запрено и возилото на францускиот претседател Емануел Макрон, јавува Анадолу.

Според видеото објавено на социјалните медиуми, Макрон е принуден накратко да излезе од автомобилот и на шега му се јави на Трамп, барајќи од него да го „расчисти патот“.

„Погоди што, чекам на улица, бидејќи сѐ е стопирано поради тебе“, му вели Макрон на Трамп шегувајќи се преку телефон.

Инцидентот предизвика насмевки меѓу присутните, а францускиот претседател ја прими ситуацијата со доза на хумор, избегнувајќи да предизвика официјална непријатност.