Осуммина повредени кога возило влета во толпа луѓе во Штутгарт, Германија
Германската полицијата по првичната истрага и испрашувањето на возачот на возилото објави дека инцидентот се чини дека е „трагична несреќа“
БЕРЛИН (АА) - Автомобил влета во група пешаци во југозападниот германски град Штутгарт, при што беа повредени осум лица, соопштија властите денес, известува Анадолу.
Инцидентот се случил околу 18 часот по локално време во центарот на Штутгарт кога црно СУВ возило се влета во толпа луѓе, објавија локалните медиуми. Полицијата посочи дека првичната истрага сугерира дека станува збор за несреќа.
„Врз основа на првичната истрага и достапните докази, нашите колеги на местото на настанот во Олгек веруваат дека станува збор за трагична сообраќајна несреќа. Во моментов нема индикации за напад или намерен чин“, објави полицијата во Штутгарт на платформата X.
Инцидентот се случил во близина на трамвајска станица во областа Олгаек во центарот на градот Штутгарт. Три од жртвите се здобиле со сериозни повреди, објави полицијата.
Според јавниот радиодифузен сервис SWR, возачот, кој бил уапсен и испрашуван од полицијата веднаш по инцидентот, станува збор за германски државјанин на 40 годишна возраст.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
