БРАТИСЛАВА (АА) - Најмалку 40.000 граѓани се собраа вечерва во центарот на Братислава на протест против владата на словачкиот премиер Роберт Фицо, известува Анадолу.

Антивладините протести траат веќе неколку недели низ Словачка, а одѕивот на граѓаните расте.

Демонстрантите бараат оставка од премиерот Фицо и го обвинуваат дека води проруска политика.

Опозицијата пред две недели ја напушти седницата за гласање недоверба на владата на Фицо и порача дека борбата се преселила на улица.

Премиерот Фицо ја заостри својата реторика, обвинувајќи ги демонстрантите за обид за ‘државен удар’.