ПРИШТИНА (АА) - Повеќе од еден час, со мирен протест на плоштадите во Приштина, главниот град на Косово, се вееја палестински знамиња, и беа извикувани пораки и повици за мир за палестинскиот народ, јавува Анадолу.

Стотици граѓани собрани во Приштина, мажи, жени, деца и постари лица, се придружија на повикот на граѓаните од разни европски и светски престолнини за мир во Палестина.

Граѓаните во Приштина го осудија насилството и теророт врз палестинскиот народ, повикувајќи на мир, спокојство и стабилност.

Некои од оние што зборуваа пред учесниците рекоа дека дошле на плоштадите за да се спротивстават на систематското истребување во Палестина, на неправдата што го негира правото на живот и човечкото достоинство.

„И ние, како народ, доживеавме и знаеме што е болка. И ние поминавме низ времиња кога нашите гласови не беа слушани“, нагласи еден од демонстрантите.

Покрај скандирањата „Слобода за Палестина“, големо палестинско знаме беше развеано централно на плоштадите, опкружено со фотографии од трагедијата во Газа, луѓе како носат убиени лица и од оние што се исклучително физички ослабени од глад.

Исто така, симболично, на знамето беа поставени неколку детски играчки, за да се покажат жртвите од оваа категорија и недостатокот на игра меѓу децата кои сѐ уште се живи.

Израел се соочува со растечки гнев поради разорната војна во Газа, каде што од октомври 2023 година се убиени повеќе од 61.000 Палестинци. Воената кампања ја опустоши енклавата и ја доведе на работ на општ а глад.