سعوودیە.. گیانلەدەستدانی ٣٥ کەس بە ھۆی لافاو

ریاز ــ AA

بە ھۆی ئەو لافاوەی کە لە میانی مانگێکدا، سعوودیەی گرتبوویەوە، ٣٥ کەس گیانیان لەدەستداوە.

لە میانی مانگێکدا بە ھۆی باران بەخوڕ، لافاو ١١ ناوچەی لە سعوودیە گرتبوویەوە.

لە راگەیەندراوێکدا، بەڕێوەبەرایەتی بەرگری شارستانی سعوودیە بڵاویکردووەتەوە کە بە ھۆی لافاوەکەوە، ٣٥ کەس لە ١١ ناوچە گیانیان لەدەستداوە کە ١١یان لە ناوچەی مەککە رۆژئاوای وڵات تۆمارکراوە.

بەپێی راگەیەندراوەکە، ھەروەھا دوو ھەزار و ٥١٧ کەس لە ١٣ ناوچە رزگارکراون.

لە راگەیەندراوەکەدا ئەوەش خراوەتەوەڕوو کە چوار ھەزار ٣٨ کەسی دیکە لە حەوت ناوچە بە ھۆی لافاوەکە گواستراونەوە، ئەمە جگە لەوەی کە دوو ھەزار و ٥٣٦ کەسی دیکە لەو ناوچانەی کە لافاوەکە نەیگرتوونەتەوە نێشتەجێکراون.