ئیستانبوڵ - AA

مۆدێلی خوێندن لە زانکۆی ئیبن خەلدون بە پێکهاتەی فرەزمانییەکەی دەناسرێت. لە زانکۆکەدا کە زمانەکانی تورکی و ئینگلیزی و عەرەبی وەک زمانی خوێندن بەکاردەهێنرێن و، لە ئەڵمانییەوە تا چینی کۆمەڵێک وانەی هەڵبژاردنی زمانیش پێشکەش دەکرێن. لەنێو ئەم زمانانەدا زمانی کوردی (کرمانجی)یش هەیە. زانکۆی ئیبن خەلدون بە ڕێبازی "نوێگەریی نەریتی" کە ئامانجی یەکخستنی نەریت و مۆدێرنیتەیە، بووەتە جێی سەرنج.

زانکۆکە شەش کۆلێجی هەیە و بەرنامەکانی بەکالۆریۆس لە بوارەکانی یاسا، ڕاگەیاندن، زانستە کارگێڕییەکان، زانستە پەروەردەییەکان، زانستە مرۆیی و کۆمەڵایەتییەکان و زانستە ئیسلامییەکان بەڕێوە دەبات.

لە زانکۆکەدا کە سەرجەم خوێندکارانی بەکالۆریۆس بە شێوەی سکۆلەرشیپی تەواو دەخوێنن، زۆربەی خوێندکارانی خوێندنی باڵا سوودمەند دەبن لە دەرفەتەکانی سکۆلەرشیپ. پێکهاتەی زانکۆکە کە بە ناوەندەکانی توێژینەوە و تاقیگەکان و شوێنەکانی ژیانی کۆمەڵایەتی پشتیوانی دەکرێت، میوانداری چالاکییە ئەکادیمیی و کۆمەڵایەتیی و چالاکییەکانی خوێندکاران دەکات. 

زانکۆی ئیبن خەلدون ئامانجی ئەوەیە لە ماوەیەکی کورتدا لەسەر ئاستی تورکیا و نێودەوڵەتیی وەک زانکۆیەکی توێژینەوە کە سەرنجی لەسەر زانستە کۆمەڵایەتییەکانە، ناو دەربکات.

زانکۆی ئیبن خەلدون، بە خوێندکارانی لە ٨٢ وڵاتی جیهانەوە و بە مۆدێلی خوێندنی سێ زمانی، سکۆلەرشیپ و بەرنامەکانی ئاڵوگۆڕی نێودەوڵەتیی و ئەو هاریکارییانەی لەگەڵ زانکۆکانی جیهان ئەنجامی دەدات، هاوکار و بەشدارە لە دیدگای خوێندنی باڵای تورکیادا

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن