ھەڵبژاردەی تۆپی بالەی خانمانی تورکیا لە پاڵەوانییەتی جیھانی FIVB ٢٠٢٥دا میدالیای زیوی بەدەستھێنا

بانگۆک - AA

هەڵبژاردەی تۆپی بالەی خانمانی تورکیا، لە یاریی کۆتایی پاڵەوانێتی جیهانی ڕووبەڕووی هەڵبژاردەی ئیتاڵیا بووەوە و بە ئەنجامی ٣-٢ یارییەکەی دۆڕاند.

یارییەکە ڕکابەرییەکی توندی بەخۆوەبینی و، هەردوو هەڵبژاردە ئاستێکی بەرزیان پێشکەش کرد، بەڵام لە کۆتاییدا هەڵبژاردەی ئیتاڵیا سەرکەوتنی بەدەستهێنا.

یاریزانی هەڵبژاردەی تورکیا، مەلیسا ڤارگاس، بە تۆمارکردنی ٣٣ خاڵ بووە گۆڵکاری یارییەکە، کاپتن ئەدا ئەردەم دوندار ١٩ خاڵ و ئەبرار کاراکورت ١٢ خاڵیان بۆ هەڵبژاردەکەیان تۆمارکرد.

سەرەڕای هەوڵەکان هەڵبژاردەی تۆپی بالەی خانمانی تورکیا نەیتوانی سەرکەوتن بەدەستبهێنێت و لە کۆتاییدا میدالیای زیوی بەدەستهێنا، کە یەکەمجارە لە مێژووی خۆیدا میدالیای زیو لە پاڵەوانێتی جیهانیدا بەدەستبهێنن.

بەمەبەستی پشتیوانی کردن لە هەڵبژاردەکەیان، وەزیری وەرزش و لاوانی تورکیا، عوسمان ئاشکن باک و باڵیۆزی تورکیا لە بانگکۆک، ژولیدە کایهان لە هۆڵی یاریەکەدا ئامادەبوون.