پاڵەوانێتی ويمبڵدۆن.. رۆجێر فیدرێر گەیشتە خولی چوارەم

ئیستانبوڵ - AA

لە یاری تاکە کەسیی پیاواندا لە وەرزی سێیەمی تێنسی گراند سلام ويمبڵدۆندا، رۆجێر فیدرێر، دانی میدڤیدیڤ و ئەلێکساندەر زڤیریڤ و لە یاری تاکە کەسیی خانمانیشدا، ئاشلی بارتی گەیشتنە خولی چوارەم.

لە یاری تاکە کەسیی پیاواندا یاریزانی سویسری، رۆجێر فیدرێر رووبەڕووی یاریزانی بەریتانی، کامیرۆن نۆری بووە و رۆجێر فیدرێر بە ئەنجامی ٦-٤، ٦-٤، ٥-٧ و ٦-٤ و بە جیاوازی ٣-١ سەرکەوتنی بە دەست هێنا.

یاریزانی رووسی، دانی میدڤیدیڤ رووبەڕووی یاریزانی کرواتی، مارین کیلیک بوویەوە و بە جیاوازی ٣-٢ خاڵ سەرکەوت بەسەریدا.

هەروەها یاریزانی ئەڵمانی، ئەلێکساندەر زڤیریڤ رووبەڕووی یاریزانی ئەمریکی، تایلۆر فریتز بوویەوە و بە ئەنجامی ٦-٧، ٦-٤، ٦-٣ و ٧-٧ سەرکەوتنی بە دەست هێنا.

لە یاری تاکە کەسیی خانمانیشدا، یاریزانی ئوسترالی، ئاشلی بارتی رووبەڕووی یاریزانی چیکی، کاترینا سینیاکۆڤا بوویەوە و بە ئەنجامی ٦-٣ و بە جیاوازی ٢-٠ یارییەکەی لێبردەوە.

یاریزانانی ويمبڵدۆن ئەمڕۆ پشوو دەبن، بەپێی نەریتی خولەکان یارییەکان دوو هەفتە دەخایەنن و ئەمڕۆ یەکشەممە کە بە ''میدڵ سەندەی'' ناسراوە یاری تیادا ناکرێت.

یارییەکانی خولی چوارەم لە سبەی دووشەممەوە دەست پێ دەکات.