Doğa Kırmızıoğlu
05 تەمووز 2021•نوێکردنەوە: 06 تەمووز 2021
ئەنقەرە - AA
جۆشوخرۆشی یاریی نیوەی کۆتایی لە شازدەهەمین پاڵەوانێتی نەتەوەکانی ئەورووپا بۆ تۆپی پێ (یورۆ ٢٠٢٠)، سبەی بە یارییەک دەست پێ دەکات.
یارییەکانی نیوەی کۆتایی و کۆتایی پاڵەوانێتیەکە کە ژمارەیەک زۆر لە هەڵبژاردە گرنگەکانی وەک فەڕەنسا، ئەڵمانیا، بەلجیکا و پورتوگال بە ئەنجامی سەرسوڕهێنەر ماڵئاواییان لێ کرد لە یاریگای وێمبلی لە لەندەنی پایتەختی بەریتانیا ئەنجام دەدرێت و زیاتر لە ٦٠ هەزار لە هەوادارانی تۆپی پێ ئامادە دەبن بۆ تەماشاکردنی ئەو یارییە.
یەکەم یاریی نیوەی کۆتایی سبەی کاتژمێر ٢٢:٠٠ بە کاتی هەولێر بەڕێوەدەچێت لەنێوان ئیتاڵیا و ئیسپانیادا و ناوبژیوانی بە ئەزموونی ئەڵمانی، فیلیکس بریج بەڕێوەی دەبات.
رۆژی چوار شەممە، حەوتی تەمووز، یارییەکەی دیکەی نیوەی کۆتایی لەنێوان بەریتانیا و دانمارک، کاتژمێر ٢٢:٠٠ بەکاتی هەولێر بەڕێوەدەچێت.
ئەو هەڵبژاردانەی لە یاریی نیوەی کۆتاییدا سەردەکەون، رۆژی یەکشەممە، ١١ی تەمووز یاریی کۆتایی دەکەن بۆ بەدەستهێنانی نازناوی پاڵەوانێتیەکە.
