هەکاری - AA

شەیدایانی ئۆف ڕۆد لە ناوچە جیاوازەکانی تورکیا ڕوویان لە پارێزگای ھەکاری کرد، کە دەرفەتێکی زۆری وەرزشی سروشتی تێدایە و لە کوێستان بەرچەلان کە سێ ھەزار و ٣٠٠ مەتر لە ئاست ڕووی دەریاوە بەرزە، بەشداری چالاکییەکی سەرکێشیان کرد.

چالاکییەکە کە بە سەرپەرشتی بورهان تەتیک، کەسایەتی ناسراوی تۆڕە کۆمەڵایەتییەکان و شەیدای سروشت ئەنجام درا، ٤٠ کەس لە چەند شارێکی جیاوازی تورکیاوە بە ئۆتۆمبێل و ئەی تی ڤی و ماتۆڕسکیل بەسەر تەپۆلکەکانی کوێستانەکەدا سەرکەوتن و ئاشنای جوانییەکانی ناوچەکە بوون، هاوکات چەند نماییشێکی سەرنج ڕاکێشی پەرەشوت بازدانیش ئەنجام درا.

بەشداربووانی چالاکییەکە سەرسامی خۆیان بە سروشتی ناوچەکە دەربڕی.

سەرۆکی یانەی ئۆف ڕۆدی چۆتاناک گیرەسون، ئاکن ئاراس، ئاماژەی بەوە کرد کە بەھۆی سروشتە سەختەکەیەوە ھەکاری شوێنێکی نموونەییە بۆ ئۆف ڕۆد و ھیوای خواست چالاکی لەم شێوەیە بەردەوام بێت و ھەکاری ببێتە پایتەختی ئۆف ڕۆد لە ڕۆژھەڵاتی تورکیادا.

گوتیشی: "ئێرە بەهۆی جوگرافیا سەختەکەیەوە گونجاوە بۆ ئۆف ڕۆد. لەبەرئەوە ئێمە ئێرەمان هەڵبژارد. هەم جوانی سروشتی و هەم چیاکان دەرفەتێکی بەهادار بۆ ئۆف ڕۆد بە ئێمە دەبەخشن. لەمەودوا چیاکانی دیکەی شارەکە دەگەڕێین".