سياسەت, جيهان, هەڵبژاردنەکانی سەرۆکایەتی ئەمریکا

جۆ بايدن ژماره‌یه‌ك ناوى كابينەكەى ئاشكراكرد

جۆ بايدن، بۆ وەزارەتى ئاسايشى ناوخۆ، كه‌سایه‌تی بەرەچەڵەك ئەمريكى لاتينى، ئاليخاندرۆ مايۆركاس و بۆ بەڕێوەبەرى هەواڵگرى نيشتيمانى ئەمريكا، ئاڤريل هاينس-ی دەستنيشانكردووە.

Betül Yürük  | 24.11.2020 - نوێکردنەوە : 24.11.2020
جۆ بايدن ژماره‌یه‌ك ناوى كابينەكەى ئاشكراكرد

New York

نيويۆرك - AA

سەرۆكى هەڵبژێردراوى ئەمريكا جۆ بايدن، ئاشكرايكرد كە بۆ پۆستى وەزارەتى دەرەوە، ئه‌نتۆنى بلینكن و بۆ راوێژكارى ئاسايشى نيشتيمانیی جه‌یك سه‌ڵیڤان دەستنيشان دەكات.

جۆ بايدن ناوى ئەو كەسانەى ئاشكراكرد كە ژماره‌یه‌ك پۆستى گرنگ لەنێو كابينەكەى وەردەگرن.

بايدن بۆ پۆستى وەزارەتى دەرەوە ناوى ئه‌نتۆنى بلینكن-ى ئاشكراكرد كە يەكێكە لە راوێژكارە باڵاكانى سياسەتى دەرەوە و بۆ پۆستى راوێژكارى ئاسايشى نيشتيمانیى، جه‌یك سه‌ڵیڤان-ى هەڵبژارد.

ئه‌نتۆنى بلینكن-ى تەمەن ٥٨ ساڵان، لە هەمان كاتدا ياريدەدەرى بايدن بووە لە ليژنەى پەيوەندييەكانى دەرەوەى ئەنجوومەنى پيران و لە سەردەمى سەرۆكايەتى باراك ئۆباما، جێگرى وەزيرى دەرەوە و ياريدەدەرى راوێژكارى ئەنجوومەنى ئاسايشى نيشتيمانى بووە.

هاوكات جه‌یك سه‌ڵیڤان-ى تەمەن ٤٣ ساڵان، كە تا بڵێى لە جۆ بايدن-وە نزيكە پۆستى راوێژكارى ئاسايشى نيشتيمانى وەردەگرێـت.

بۆ پۆستى نوێنەرى هەيشەيى ئەمريكا لە نەتەوەيەكگرتووەكان، ليندا تۆماس گرينفيڵد-ى رەشپێست باس ده‌كرێت.

جۆ بايدن بۆ وەزارەتى ئاسايشى ناوخۆ، كه‌سایه‌تی بەرەچەڵەك ئەمريكى لاتينى، ئاليخاندرۆ مايۆركاس و بۆ بەڕێوەبەرى هەواڵگرى نيشتيمانى ئەمريكا، ئاڤريل هاينس-ی دەستنيشانكردووە.

هاوكات جۆن كێرى كە لە سەردەمى ئۆباما وەزيرى دەرەوە بوو، جۆ بايدن وەكو نوێنەرى تايبەتى گۆڕانكارييەكانى كەشوهەوا دياريكردووە.


بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın