18 حوزەیران 2020•نوێکردنەوە: 21 حوزەیران 2020
ئورفا – AA
له كاتێكدا بهروبوومی دانهوێڵه له زهوییه كشتوكاڵییهكانی قهزای جهیلانپنار سەربە پارێزگای ئورفا دهدروێتهوه له ههمان كاتدا، به سیستهمی چاندنی راستهوخۆ تۆوی گهنمهشامیش دهچێندرێت.
فهرمانگهی كشتوكاڵیی جهیلانپنار كه سهربه بهڕێوهبهرایهتی گشتیی فهرمانگه كشتوكاڵییهكانی وهزارهتی كشتوكاڵ و دارستانی توركیایه له رێگای بهكارهێنانی ١٦٠ دهڕاسهوه دهستی كردووه به دروێنهكردنی گهنم لهسهر رووبهری ٥٥٩ ههزار دۆنم.
جێگری بهڕێوهبهری بهروبوومی رووهكی لە فهرمانگهكه، محهمهد ئاڵتیپارماك به پهیامنێری ئاژانسی ئانادۆڵوی راگهیاند له رێگای بهكارهێنانی ئامێره ههره پێشكهوتووهكانهوه لهلایهكهوه گهنم دروێنه دهكهن و لهلایهكی دیكهیشهوه به سیستهمی چاندنی راستهوخۆ گهنمهشامی دهچێنن و گوتی: "كارهكه لهلایهن ٨٠ كارمهندهوه ئهنجام دهدرێت. له رێگای ئهو سیستهمهوه بهڕێژهیهكی بهرچاو گازوایل و كات دهگهڕێتهوه و بههۆی لهدهست نهچوونی شێی خاكیش، بهڕێژهیهكی بهرچاو ئاو دهگهڕێتهوه و لەبەر ئەوەی پهرێزهكانیش ناسووتێنین، بهم جۆره وردهبوونهرهوه سوودبهخشهكان لەناو ناچن. ئهوان وهك مادهی ئهندامیی ئهم لاسكه گهنمانه له خاكدا شی دهكهنهوه. له رێگای ٣٠ ئامێرهوه دهستمان به چاندن كردووه و له میانی ٢٠ رۆژدا تهواوی دهكهین. چاوهڕوان دهكهین ١١٥ تۆن گهنمهشامی رهنێو بهێنین".
محەمەد ئاڵتیپارماك سهرنجی بۆ ئهوهیش راكێشا كه له رێگای ئهو سیستهمهوه پڕبهرههمی خاك كهم نابێتهوه و گوتی: "تهنانهت بههۆی زوو چاندنهوه له زستاندا گهنمهشامییهكان زوو شێ جێ دههێڵن. بۆیه پڕبهرههمی خاك وهك یهكه. پێشنیاز دهكهین جووتیارانیش بهم سیستهمه كار بكهن".
