ھێرشێکی داعش لە رۆژئاوای عێراق حەوت قوربانی لێکەوتەوە

ھەولێر ــ AA

لە ئاکامی ھێرشێکی داعش بۆ سەر ناوچەی زەرگە سەر بە قەزای حەدیسە رۆژئاوای پارێزگای ئەنبار رۆژئاوای عێراق، حەوت کەس کوژران و بریندار بوون.

له‌وبارەیەوە قایمقامی قەزای حەدیسە، عەبدوڵڵا جغێفی لە راگەیەنراوێکدا ئاماژەی بەوەداوە کە تیرۆریستانی داعش، ھێرشیان کردووەتە سەر ناوچەی زەرگە سەربە قەزاکە.

عەبدوڵڵا جغێفی باسی لەوەشکردووە کە لە ئاکامی ھێرشەکەدا، چوار کەس کوژراون و سێی دیکەیش برینداربوون، بێ ئەوەی زانیاری زیاتر لەوبارەیەوە بخاتەڕوو.

تا ئێستا رێکخراوی تیرۆریستی داعش، بەرپرسیاریەتی لە ئەنجامدانی ھێرشەکە رانەگەیاندووە.