ھاوپەیمانیی نێودەوڵەتی: "لەم مانگەدا، ١٣ ئۆپەراسیۆنمان دژبە داعش ئەنجامداوە"

ھەولێر ــ AA

گوتەبێژی ھاوپەیمانیی نێودەوڵەتی دژبە داعش، واین مارۆتۆ رایگەیاند کە لە میانی ئەم مانگەدا تا ئێستا، ١٣ ئۆپەراسیۆنیان دژبە داعش لە عێراق و سووریا ئەنجامداوە.

واین مارۆتۆ تویتێکی بە زمانی کوردی، عەرەبی و ئینگلیزی بڵاوکردەوە و تیایدا نووسیوویەتی: "لە میانی ئەم مانگەدا تا ئێستا، لەگەڵ ھاوبەشەکانمان لە عێراق و سووریا، ١٣ ئۆپەراسیۆنمان دژبە داعش ئەنجامداوە".

راشیگەیاندووە کە لە میانی ئۆپەراسیۆنەکەدا، رێگریی لە سێ تیرۆریستی داعش کراوە کە بە نیازبوون کردەی تیرۆریستی دژبە هاووڵاتییانی عێراق و سووریا ئەنجام بدەن.