کەرکووک.. تیرۆریستانی داعش پەلاماری کێلگەیەکی نەوتیان دا

کەرکوک - AA

بەپێی ئەو زانیارییانەی لە سەرچاوە ئەمنییەکانی شاری کەرکووک-ەوە دەست پەیامنێری ئاژانسی ئانادۆڵو کەوتوون، شەوی رابردوو تیرۆریستانی داعش هێرشیان کردوەتە سەر کێڵگەی نەوتی خەباز لە باشووری رۆژئاوای کەرکووک.

دەستبەجێ پۆلیسی دامەزراوەکانی نەوت، وەڵامی پەلامارەکەیان داوەتەوە و پێکدادان روویداوە و لە ئاکامدا، پۆلیسێک برینداربووە.

لەلایەکی دیکەوە لیوای ٦١ی سوپای عێراق لە راگەیەندراوێکدا ئەوەی ئاشکرا کرد کە لە میانی ئۆپەڕاسیۆنەکانیان بۆسەر شانە نووستوەکانی داعش لە کەرکووک، ژمارەیەک تیرۆریستیان دەستگیرکردووە.