کوژرانی دوو تیرۆریستی داعش لە پارێزگای دیالە راگەیەنرا

ھەولێر – AA

شانەی راگەیاندنی ئەمنی سەربە نووسینگەی سەرۆکوەزیرانی عێراق، کوژرانی دوو تیرۆریستی داعشی لە پارێزگای دیالە راگەیاند.

شانەی راگەیاندنی ئەمنی لە راگەیەندراوێکدا ئاماژەی بەوە داوە کە بەشت بەستن بە زانیارییە ھەواڵگرییەکان، فڕۆکە جەنگییەکانی "F-16"ی عێراق حەشارگەیەکی تیرۆریستانی داعشیان لە دەورووبەری ناحیەی عەببارە باکووری رۆژھەڵاتی باقووبە سەنتەری پارێزگای دیالە بۆردومان کردووە.

راشیگەیاندووە کە لە ئاکامی بۆردومانەکەدا، دوو تیرۆریستی داعش کوژراون و حەشارگەکەیش خاپوور کراوە.