Sarmand Hameed
02 تشرینی یەکەم 2020•نوێکردنەوە: 02 تشرینی یەکەم 2020
هەولێر - AA
سەرۆکی ھەرێمی کوردستان، نێچیرڤان بارزانی بۆ کۆچی دوایی رێبەری رۆحانیی ئایینی ئێزدی بابەشێخ، پەیامێکی سەرەخۆشی بڵاوکردەوە.
ئەمەش دەقی پەیامەکەی سەرۆکی ھەرێمی کوردستانە
ژبۆ وەغەرا خودێ ژێ رازی شێخ خرتۆ حەجی ئیسماعیل، بابێ شێخ یێ ئێزدییان، بەھیداری و سەرساخیێ ل مالبات و کەسوکارێن وی و ھەمی خوشک و برایێن ئێزدی دکەم و ھەڤپارێن خەما وانین، ژ خودایێ مەزن ھیڤیخوازین جانێ وی ب دلۆڤانیا خۆ شا بکەت و سەبر و ھەدارێ بدەتە ھەموویان.
بابێ شێخ وەک ڕێبەر و مەزنێ ئۆلی یێ ئێزدییان ژیانا خۆ ژبۆ خزمەتا ئێزدییاتیێ و سالێن دوور و درێژێن ژیێ خۆ د کاروبارێن ئۆلی و جڤاکی یێن ئێزدییاندا دەرباز کرن، رۆلا وی یا بەرچاڤ ژبۆ پێکڤەژیان و ھەڤقەبوولکرنێ ژی دیارە و شووندەستێ کار و خزمەتێن وی، ھەر دێ مینیت.
وەغەرا وی یا خێرێ و جانێ وی شاد.
نێچیرڤان بارزانی
سەرۆکێ ھەرێما کوردستانێ
٢٠٢٠/١٠/١
