پێنج ملیۆن دۆلار خەڵات بۆ پچڕاندنی قاچاخچێتی نەوتی داعش

هەولێر AA

کۆنسولخانەی ئەمریکا لە هەولێر لە راگەیەندراوێکدا کە بە هەرسێ زمانی کوردی شێوەزاری (سۆرانی و بادینی)، عەرەبی و ئینگلیزی لە لاپەڕە فەرمییەکانی لە فەیسبووک و تویتەر بڵاویکردووەتەوە راگەیاندووە، هەر کەسێک زانیاریان پێبدات بۆ پچڕاندنی قاچاخچێتی داعش، پاداشتێکی پێنج ملیۆن دۆلاری پێدەدەن.

لە راگەیەندراوەکەی کۆنسولخانەی ئەمریکا لە هەولێردا هاتووە "پاداشتکردن تا پێنچ ملیۆن دۆلار بۆ زانیاری کە ببێتە ھۆی پچڕانی قاچاخچێیەتی داعش بۆ نەوت و پارچە شوێنەواری دێرین".

کۆنسولخانەی ئەمریکا راشیگەیاندووە "یارمەتیمان بدە بۆ راگرتنی گەیشتنی پاڵپشتی دارایی تیرۆریستەکان بۆ داعش، ئەگەر زانیاریت ھەیە تۆ شیاوی بۆ پاداشتکردن".

لە راگەیەندراوەکەدا ژمارە تەلەفۆنێک بڵاوکراوەتەوە و نووسیویانە "نامە بۆ خەڵاتکردن لە پێناوی دادپەروەری بە ژمارە ١٢٠٢٧٠٢٧٨٤٣+ بنێرە لە رێگەی وەتس ئەپ و سیگناڵ یاخود تەلەگرامەوە".