عێراق

پۆلیسی سلێمانی: "رووداوه‌كه‌ خۆكوژی بووه‌"

پۆلیسی پارێزگای سلێمانی له‌باره‌ی رووداوی گیانله‌ده‌ستدانی دوو رۆژنامه‌نووسه‌ هاوسه‌ره‌كه‌وه‌ راده‌گه‌یه‌نێ كه‌ "بەپێی لێکۆڵینەوەکانی ھێزەکانی پۆلیس، ڕووداوەکە خۆکوژیی بووە و سبەی (پێنجشه‌ممه‌) وردەکاریی ڕووداوەکە بۆ ڕای گشتی بڵاو دەکەینەوە".

Fahrettin İbrahim  | 17.10.2019 - نوێکردنەوە : 26.10.2019
پۆلیسی سلێمانی: "رووداوه‌كه‌ خۆكوژی بووه‌"

As Sulaymaniyah

سلێمانی - AA

پۆلیسی پارێزگای سلێمانی له‌باره‌ی رووداوی گیانله‌ده‌ستدانی دوو رۆژنامه‌نووسه‌ هاوسه‌ره‌كه‌وه‌ راده‌گه‌یه‌نێ كه‌ "لێرەوە بۆ ڕای گشتی ڕایدەگەیەنین کە بەپێی لێکۆڵینەوەکانی ھێزەکانی پۆلیس، ڕووداوەکە خۆکوژیی بووە و سبەی (پێنجشه‌ممه‌) وردەکاریی ڕووداوەکە بۆڕای گشتی بڵاودەکەینەوە".

به‌شی ڕاگەیاندن و پەیوەندییەکان له‌ بەڕێوەبەرایەتی پۆلیسی پارێزگای سلێمانی له‌ راگه‌یاندراوێكدا كه‌ ئاراسته‌ی رای گشتی كردووه‌، جه‌خت له‌وه‌ ده‌كاته‌وه‌ كه‌ رووداوی گیانله‌ده‌ستدانی هه‌ر دوو رۆژنامه‌نووس ئامانج محمد نووری وهاوسه‌ره‌كه‌ی لانە محمد ساڵح و منداڵه‌ سێ ساڵانه‌كه‌یان، رووداوێكی خۆكوژیی بووه‌.

ئێواره‌ی دوێنێ چوارشه‌ممه‌ راگه‌یه‌ندرا كه‌ ئامانج محمد نووری ناسراو به‌ ئامانج بابانی كه‌ پێشكه‌شكاری كه‌ناڵی NRT بووه له‌گه‌ڵ هاوسه‌ره‌كه‌ی لانە محمد ساڵح كه‌ ئه‌ویش كارمه‌ندی ده‌زگای راگه‌یاندنی كوردسات بووه‌ له‌ شه‌قامێكی شاری سلێمانی ته‌قه‌یان لێكراوه‌ و له‌ رووداوه‌كه‌دا ئه‌م دوو رۆژنامه‌نووسه‌ و منداڵه‌كه‌یان گیانی له‌ده‌ست داوه‌.

پۆلیسی سلێمانی به‌و راگه‌یه‌ندراوه‌ هه‌ر چه‌شنه‌ گومان له‌سه‌ر كرده‌وه‌یه‌كی دوژمنكارانه‌ی له‌ رووداوه‌كه‌ ره‌ت كردووه‌ته‌وه‌ و رایگه‌یاندووه‌، ئه‌مڕۆ پێنجشه‌ممه‌ له‌سه‌ر ورده‌كاری رووداوه‌كه‌ قسه‌ ده‌كات و ره‌هه‌نده‌كانی ئاشكرا ده‌كه‌ن.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın