لە عێراق ژمارەیەک بەرپرسی باڵا بە گەندەڵی تۆمەتبار دەکرێن

ھەولێر ــ AA

دەستەی دەستپاکی عێراق رایگەیاند کە لە میانی مانگی حوزەیرانی رابردوودا، ٤٠ فەرمانی دەستگیرکردن و بانگھێشتکردن بۆ لێکۆڵینەوە، بەتۆمەتی گەندەڵی بۆ ژمارەیەک بەرپرسی باڵا دەرکراوە.

دەستەی دەستپاکی عێراق لە راگەیەنراوێکدا ئاماژەی بەوەداوە کە لە میانی حوزەیرانی رابردوودا، حەوت فەرمانی دەستگیرکردن و ٣٣ فەرمانی بانگھێشتکردن بۆ لێکۆڵینەوە، بەتۆمەتی گەندەڵی بۆ ژمارەیەک بەرپرسی باڵا دەرکراوە.

باسی لەوەش کردووە کە فەرمانەکان بۆ سێ ئەندامی خولی ئێستا و پێشووی ئەنجوومەنی نوێنەران، وەزیرێکی پێشووتر و بریکاری وەزیرێکی پێشووتر، دوو پارێزگاری پێشوو، سێ پارێزگاری پێشووتر، ١٠ بەڕێوەبەری گشتیی ئێستا، نۆ بەڕێوەبەری گشتیی پێشوو، سێ بەڕێوەبەری گشتیی پێشووتر و سێ ئەندامی پێشووی ئەنجوومەنی پارێزگا دەرکراون.