عێراق.. زۆرترین تووشبووی ڤایرۆسی کۆرۆنا لە ٢٤ کاتژمێری رابردوودا تۆمارکرا

ھەولێر - AA

وەزارەتی تەندروستیی عێراق رایگەیاند، لە ٢٤ کاتژمێری رابردوودا سێ ھەزار و ٣٤٦ کەسی دیکە تووشی ڤایرۆسی کۆرۆنای نوێ (COVID-19) بوون و ٧٠ کەسی دیکەش دوای تووشبوونیان بەم ڤایرۆسە گیانیان لەدەستدا.

وەزارەتی تەندروستیی عێراق لە راگەیەندراوێکدا، دوایین ئاماری سەبارەت بە ژمارەی قوربانییانی ڤایرۆسی کۆرۆنا بڵاوکردەوە.

بەپێی راگەیەنراوەکەی وەزارەتی تەندروستی، لە ٢٤ کاتژمێری رابردوودا سێ ھەزار و ٣٤٦ کەسی دیکە تووشی ڤایرۆسی کۆرۆنای نوێ (COVID-19) بوون و ٧٠ کەسی دیکەش دوای تووشبوونیان بەم ڤایرۆسە گیانیان لەدەستدا.

بەپێی راگەیەنراوەکە کە کۆپییەکی گەیشتووەتە ئاژانسی ئانادۆڵو، ھەزار و ٨٨٨ تووشبووی کۆرۆنا لە ٢٤ کاژێری رابردوو چاکبوونەتەوە، بەوەش ژمارەی چارەسەرکراوان گەیشتە ٨٧ ھەزار و ٤٣٤ کەس.

بەپێی داتاکانی وەزارەتی تەندروستی، کۆی گشتی ژمارەی تووشبووان بە ڤایرۆسی کۆرۆنا نوێ (COVID-19) لە عێراق گەیشتووەتە ١٢٤ ھەزار و ٦٠٩ کەس لە نێویاندا چوار ھەزار و ٧٤١ حاڵەتی گیانلەدەستدان ھەبووە و ٨٧ ھەزار و ٤٣٤ نەخۆش دوای چارەسەری پزیشکی چاکبوونەتەوە.