سۆمۆ: "بەئامانجگرتنی کەشتییە نەوتھەڵگرەکان لە بەندەری بەسرە کاریگەریی خراپی لەسەر ئاسایش و ئابووریی عێراق دەبێت"
کۆمپانیای بەبازاڕکردنی نەوتی عێراق سۆمۆ (Somo) ڕایگەیاند کە ھەر یەک کەشتی " SAFESEA VISHNU" کە ئاڵای دوورگەکانی مارشاڵ-ی لەسەر ھەڵکرابوو و کەشتی " ZEFYROS" کە ئاڵای ماڵتای لەسەر ھەڵکرابوو لە چوارچێوەی ئاوی ھەرێمیی عێراق، کراونەتە ئامانج.
Arbil
ھەولێر ــ AA
کۆمپانیای بەبازاڕکردنی نەوتی عێراق سۆمۆ (Somo) ڕایگەیاند کە بەئامانجگرتنی کەشتییە نەوت ھەڵگرەکان لە بەندەری بەسرە کاریگەریی خراپی لەسەر ئاسایش و ئابووریی عێراق دەبێت.
کۆمپانیاکە لە ڕاگەیاندراوێکدا نیگەرانی خۆی لە بە ئامانجگرتنی کەشتی "SAFESEA VISHNU" کە ئاڵای دوورگەکانی مارشاڵ-ی لەسەر ھەڵکرابوو و کەشتی "ZEFYROS" کە ئاڵای ماڵتای لەسەر ھەڵکرابوو لە چوارچێوەی ئاوی ھەرێمیی عێراق نیشانداوە و ڕایگەیاندووە کە کەشتی " SAFESEA VISHNU" پێشت لەلایەن کۆمپانیایەکی عێراقییەوە بەگرێبەست بە کرێ گیراوە بۆ گواستنەوەی سووتەمەنی.
ڕاشیگەیاندووە، کەشتی "ZEFYROS" لەو کاتەدا کراوەتە ئامانج کە ھەوڵیداوە بچێتە بەندەری خۆر زوبێر، بۆ ئەوی بڕی ٣٠ تۆن بەرھەمی دیکەی سووتەمەنی لە کۆمپانیای غازی بەسرە بار بکات.
جەختی لەوەش کردووەتەوە کە بەئامانجگرتنی کەشتییە نەوت ھەڵگرەکان لە بەندەری بەسرە کاریگەریی خراپی لەسەر ئاسایش و ئابووریی عێراق دەبێت، ھەروەھا دەبێتە مایەی ھەڕەشە بۆ سەر سەلامەتی کەشتییە بازرگانیی و نەوت ھەڵگرەکان لە ئاوی ھەرێمیی عێراق.
